``ေမံသး႓ႜဟ္ ယွာႏုိ၀္ေအသ၀့္`´

20,September,2008

မူေမံယုိ၀္ ထင္းထ၀့္မာ.ယုဂ္၊ ထင္းမ်ယိက္ယုဂ္ေဆ၀္.၊ မူေမံယုိ၀္ ဖႜဳံယွင္တာ္ေခါဟ္သယ္
အင္းယာဟွဳဂက္ ေကႜစုိဒ္ေဏ၀္.ထ ဖႜဳံယွင္ေဖါဟ္အု္ဟွင္.
ခံင္အယ္လု္မိင္ေဆ၀္.လွ္။ အု္ဂုဏ္ခ၀့္ေဍ ာဟ္ထုက္ အု္ဃွီ္္္`့လာစြးထုက္ ခံင္.အယ္
မူ.ေမံ လု္ဟွာဟွင္. လု္ဖူ`့လု္ဍံင္ဟွင္.မြာဲေအး၊ အွေေကာ၀္ၾကင္ေခါဟ္ဍာ ဖႜဳံယွင္
ထုိင္ဆုိဒ္သာ့အု္ဟွင္. ခံင္.အယ္မူ.ယံင့္ေဍ အု္လ်ာ.ခုဲ.႓ံင္အု္ဏါင္ဃွံင္ ေယ၀့္၊ ၀၀္၊
လာ့ အု္ယံင့္လု္ဖး ကု္ယုုိင့္ကု္ယ၀္ထဆုိဒ္အု္ဏါင္းဖါန္စြးမ်လ၀္လုက္လုိင္ေအး။
ေၿပေဍာဟ္မ် လ၀္ထုက္လုိင္ေအး။ မူ.ယံင္ခုဲ.႓ံင္ယုိ၀္ ထင္းမ် အု္ဏိင္းအးယုဂ္၊
ထ၀့္သီးထ၀့္မာ.ယုဂ္၊ ထံင္၀ယ္မုက္ဍင္ထိက္ကုိ၀္.ယုဂ္ေဆ၀္.လွ္။
မူ.ေမံ၀၀္ေဍ အု္လ်ာ.ခုဲ.႓ံင္ဏွွ္ ဍံင္ဏါင္းထေ၀့ေဍ အု္ခ၀့္ပု္ယ၀့္ ေယာတ္
ေလာဟ္ေလံေဆ၀္၊ မူ.လ်ာ. ခုဲ.႓ံင္ဏွ္ ဍံင္ဏါင္းေ၀့ ဖႜဳံယွင္ဟွယ့္လင္စြာ အု္လင္
ဍာ ဒီ -၉-ဒီဏွ္လွ္။ လု္အု္ယံင့္၀၀္ဏွ္ဍ၀္ ဖႜဳံယွင္ဆုိဒ္ယုိ၀္ သုင္းဖုိင္သာဍဴ ဍဳဂ္ပါင္
သုဂ္က်ာဟွဳင္.ခုိင့္ သုင္းသာဆံင္းအု္ဏါင္းေဆ၀္.လွ္။ မူ.လ်ာ.ဟွဳင္.ထင္းသင့္ဏွ္
ဖႜဳံယွင္ဆိုဒ္အု္လုိဒ္လာ၊ ဖႜဳံယွင္ဆုိဒ္အု္က်းေလ၀္ထင္းထ၀့္ ေ႓့မူူ.လ်ာ.ထင္းသုိ၀္ဏွ္
ဍံင္ဏါင္းဖေ၀့ေဆ၀္.လွ္။ ေအမြာဲဏွ္အုိ၀္ ပုုိင္႓းမူ.ယံင့္ခုဲ.႓ံင္ကု္ဆာ. ဖႜဳံယွင္အု္က်း
ယုိ၀္ ေဍ မူ.ယံင့္ထင္းဏွ္ ဟု္ကါင္ဖါေဏ၀္.ေအး။


ေ႓့မူ.ေမံယံင့္ထင္းထ၀့္သုိ၀္ ကု္ဆာ.အု္က်းသီး မု္႓းထင္းထ၀့္ပ်ဳက္ေဆ၀္.
လွ္။ အု္ဏွ္မြာဲဆု္မူ.လာ. မြာဲဆု္႓းသာလ၀္ေဆ၀္။ မူ.ယံင့္၀၀္ထင္းမ်း အု္ဏိင္းယိက္
သုိ၀္ ဖႜဳံယွင္အု္က်းခ၀့္ မု္႓း၀ါင့္ေယာ၀္.ထာင္အု္ခါ့ထံင္.ယုဂ္၊ ႓းဆံင္းမံင္း၊ ႓းပ၀္
သ၀့္ က္ုဍာထာင္လွ္။ လု္အု္၀ီ. ဖႜဳံတုံထာေခါဟ္ အွ္လု္ယံင္. ဟွွဳိင့္႓းဏွ္ေ႓့ယို၀္သုိ၀္
လွ္။ ``လု္တံင္အူသီး အွ္လု္ဏင္၊ လု္သု္ထုံ့သီး၊ လု္ပု္သိင့္သီး အွ္လု္ဏင္၊ မြာဲပ၀္
လယ့္မု္အင္းဏင္သာ့ ထုိင္ဖူ`့၀ဵသီးဟွး``ေ႓့ဏွ္သို၀္ေဆ၀္.လွ္။ မြာဲသီးမြာဲေဆ၀္.
ဖႜဳံယွင္ေဖါဟ္ယုိ၀္ လု္ခါန္္.ပု္ယာန္လလု္ဆင့္ အု္လင္.ဍာ ဃွိင္ဃွိင္ေလံလွ္။
အု္ဏွ္ေသွ္ယာ့ထ၀ယ္ဏွ္ မြာဲအု္၀ီ.ခါ့၊ အု္ခါ့ယုိ၀္ ဖႜဳံယွင္ေဖါဟ္ယုိ၀္ စာင္းအွ္
ဃွဦဳဏွ္ကါလု္ေအး။ လု္သာင့္ခါန္.၊ လု္မု္ေလံယွး၊ ဗ၀္နီယုိ၀္အွ္မ်းဃွိင္ဃွိင္၊ ပႜီပႜာဃွိင္
ဃွိင္၊ ဆိင္းပႜာဃွိင္ဃွိင္ဏွ္ ေသွ္ယာ့ထာင္႓းယုဂ္ဍ၀္၊ သိင္းမူ.ထူ. ေအပီႜပႜာအုိ၀္ ႓ို၀္ခါ့ယ၀့္၊
ဆု္နဳိင့္ေအပႜီပႜာအုိ၀္ ေခ၀္အာင္းယ၀့္ ဆု္ခႜာင္ဍီးဍံင္အွ္၀ယ္ဏွ္ ဟွဳိင့္႓း
ယုဂ္၊ မႝီ.ေအပႜီပႜာစာ္႓ုိ၀္ အု္ဟွာင္.ယွာလင္ဏွ္တာ. ဆုိဒ္ေဍာဟ္ဆုိဒ္ဃွာ.ဃွံင္
သယ္ အင္းယူ.႓းယ၀့္ေဆ၀္.လွ္။ ေအပႜီပႜာစာ္တုိ၀္ ဆုိဒ္ေဍာဟ္သု္၀ၚဖံင္း႓ၚ
ဆာ္ဏွ္ မု္႓းထုံ.ထီ့ဆာလွ္။ ပႜီပႜာဟွာင္.ယွာဆု္အင္းယူ.ယ၀့္လု္ဆင့္ မု္႓းလင္မာ
ဏွ္မြာဲအု္ထုက္ဖုိင္သာနုိယာမေဆ၀္.လွ္။
အု္ခါ့ယုိ၀္ အွ္လု္ပု္္သိ္င့္ ထီ့ထးေကာ၀္ဒွ္ခ၀့္လု္ဖာ ေ႓့ေသွ္ယာ့႓းသုိ၀္ ဖႜဳံ
ယွင္မြာဲဍာ္လာ.ဏင့္ ဃွီ႔လာဟွာင္.႓်ာလင္ဖုက္ယုဂ္၊ အု္လူ.ထာ့ ထာေခါဟ္ ဆု္
ခႜာင္ လင္ဆာ.လင္ဖုက္ တု္ယွာယွာ.ယုဂ္၊ ေဍလု္အု္၀ီ. ကု္ယုိုင့္သာေဍအု္ကု္ဆာ.
ဃွဪ႔လာကဲလာ.ဏင့္ အု္ခါ့ယုိ၀္ ႓းကု္ယုိင္ထာင္ အု္သာေဍဆုိဒ္ဃွာ.ဃွံင္ ဆု္ဃွွီ႔
လာယုဂ္လွ္။ မူ.ယိက္လာထ၀့္ခုိ၀္း မု္လင္မာပႜ၀္ဏွ္ ဟု္႓းကု္တ၀္သာေခါ၀္ေဍာဟ္
မာ.ါလွ္။ မု္႓းယံင့္၀ဵထေဍာဟ္မာ.လွ္း။ အု္တံင္အူသယ္လု္ခ၀့္ ထႜဳိင့္ေယာ၀္.ထာင္
စာ္႓ို၀္ လု္အု္၀ီ.ခါ့ မြာဲဖႜဳံယွင္ အွ္၀ယ္လင္.ဍာမြာဲလာ.ဏင့္ အု္ုခါ့ယုိ၀္ မြာဲလုိင္ေအး။
႓းအွ္ဍိင္ေဍ ဆိုဒ္ဃွာ.ဃွံင္ ႓းခ်ဳက္ဆိင့္ ဆုိဒ္ဃွာ.ဃွံင္ ႓းဆာင့္ဖႜဳံယွုင္အု္လုိဒ္တႝာ့့
႓းဆာင့္ဆုိဒ္အု္ဏါင္းကြာ မိင္ဖႜဟ္သွ္ဖႜာအွ္လုိင္ေအး။
အွ္ထ၀္.ထာင္လု္သု္ထုံ႔သယ္ သု္ထုံ႔၀ါ. ဖႜဳံယွင္ထီ့ခါန္.ကႝင့္ခ၀့္ဍ၀္ ေဍသၱာ္
ေယာ၀္.ထုဦ႔ထာင္စာ္႓ို၀္ မု္ဍး႓းလု္မိင္ေဆ၀္.လွ္။ ဖီဖူ႔အု္လင္.ဍာ ခြြဵက႟င္လာင့္ခင္း
ထာ္ ဌာန္႔ေမာ၀္.လု္ဖါခ၀့္ မြာဲအု္ေဟွ၀္္္္၊ ခႜာင္္.ေယွာတ္၀ါ. ဌာန္႕၀လု္ဖါခ၀့္ မြာဲအု္
ေဟွ၀္၊ ဖႜဳံယွင္ဆုိဒ္သယ္အွ္အး အု္ေထာဟ္အု္ဆင့္လင္ဟု္သာအုဂ္ဆာ့မာယလွ္။
ဆု္ယွဴး႓ါခ၀့္ လု္အွ္ပု္သာ္ ဆုိဒ္အု္က်းသုင္းသာခ၀့္ လင္လာ္ ဃွီ႔လာကု္ယုိင္ဍ၀္ ဆု္
မု္အင္းယူ.႓ၚယိက္ယိက္မု္႓းဍံင္ဟွး ေဍဖႜဳံပု္သိင့္ (ထီ့ထေကာ၀္) ခ၀့္သုိ၀္ဏွ္ ဟွယ့္
ဟွဳင္.ထင္းယု၀္ေဆ၀္.လွ္။
႓းလယ့္စာ္႓ုိ၀္ အု္သီးသယ္ေ၀့ အွ္လု္ဖါခ၀့္ဏွ္ ဆု္မု္အင္းယူူ.အု္သဪးဏွ္ အွ္
မ်ာ့ယုဂ္၊ ဏါင္ဃွီးဏါင္ဃွံင္ မု္မာလင္ဖုိဟ္ဆုိဒ္ဖါဟ္သုင္းသာအု္က်းဏွ္ အွ္ထင္း
အွ္ဟွဳင္.ေဆ၀္.။ ေဏ၀္.အု္သီးအွ္အးယုဂ္ေဆ၀္.လွ္။ ပၞာ့မာသာ ေ႓့ထီ့ဍဴးမာ့ဆၞာ္
ယြာတုိဒ္ထင္း ထံင္ထီ့ဖါန္ဃွီးနံင္းခုဂ္ဖုိင္အုိ၀္သုိ၀္ေဆ၀္.လွ္။ လင္.ဍာခ၀့္လု္ယွဴး႓ါ
အင္းအ၀္ခ၀္ကု္ထိက္ ယိက္ယိက္ထုံ.လု္ကဲ႓း ေလ၀္အွ္္သာင့္ခါန္္.၊ ေလ၀္အွ္မု္ေလံ
ယွး ႓းေလ၀္ထုင္.ဃွံင္ထုင္္္.က်ာ ေလ၀္္္္ကဲဆု္ဖႜာဲ ေလ၀္အင္းဃွဴ႕အင္းဃွး႓းလင္
ေ၀့အု္သီးသာမုိင့္ဏွ္ေဆ၀္္္္.လွ္။
စင္႓ုိိိိ၀္ ဖႜဳံသယ္လု္ဖးဏွ္ သာင့္ဆုိိိိိိိိိိိဒ္ သာင့္ကု္ယုိင့္ သာင့္လူ.သာင့္ခႜာင္သယ္
အုက္္္္္္္္္္္္္္္္႓ၚအု္သီးသယ္ေ၀့သုင္းသာလုက္္္္္္္္္္္္္္္ယုဂ္၊ ပါေဍာဟ္ထာင္ဆုိဒ္ဃွာ.ဃွံင္၊ ဆံင္း
မံင္းေပ၀့္ထာင္ ဏင့္ဆာ.ဆုိဒ္အးထင္းတု္ယွာ.မာ.လွ္။ မာေဏ၀္.သာင့္အွ္မ်ာ့
လုက္ေဍစုဂ္ဆာ့ သီ့မု္ိင့္သီ့ဖႜဳိ၀္သယ္သီးအွ္လု္ဏင္ဍာ္။ ဆုိဒ္ဃွာ.ဃွံင္ဘာ.သာ့
ဆု္ခႜာင္ မု္႓းေသွ္ယာ့ ဏးေသွ္ဏွ္မြာဲထီ့ဆာ့လွ္။ ဟု္အု္ဟွင္ လု္အု္ေဟွ၀္အု္႓း မု္
ေလ၀္ထင္းေလ၀္ထ၀့္အု္ဟွင္.ဏွ္ ႓းေယာ၀္.ေလာဟ္မာဍံင္ဏွ္မြာဲအု္ထီ့ဆာလွ္။
မု္မာလင္ဖုိဟ္ဟု္ဆုိဒ္ မာလင္ထုံ႔ဟု္ဆုိဒ္ သုင္းသာဏွ္ ဟု္႓းေ၀င္.ပြယ္လု္
အု္ယာင္လွ္။ ေယာ၀္ထာင္ဃွယ္ဃွယ္ အု္ခါ့ယုိ၀္ ဖႜဳံဆုိဒ္ကု္ယုိင့္ ဏာ.ဍိင္-ခႝာ-ပီပါ
ေဍဆု္ကုိ၀္္္္္္္္၀ိင္(တူရိယာ) အု္ဃွာ.ဃွံင္သယ္ လင္မာ.မု္လုက္လွ္။ မြာဲအု္မိင္သယ္္္္္္္္္္္္္
ဏွ္အွ္္္္္္္္ဍာ္၊ တုံ.ပႝာ.- တုံ. ထု္ရာဲ- တုံဆု္အုဂ္သယ္သီး အွ္္္္္္္္္္္္္္္သာ့အု္မိင္လွ္ ဍး႓းယ၀့္
လုိင္ေအး၊ ဆု္မာဆု္အာင္လင္္သယ္ လင္မာ.ယိက္ပု္သာ္ဍာ္ေအး။
ဖႜဳံထူရူ႔ (ရုိးရာ) ထာေခါဟ္ ထာခႜာင္ ထာဓ၀္.သယ္ အွ္သာ့လိက္ဖုိင္ လု္
စယ္စယ္ဍာ္လွ္။ ဖႜဳံဆု္ခႜာင္သယ္ခ၀့္ လင္မာ.ခြိက္ယွာ ေအးယုဂ္၊ ပၞာ့အု္ဍံင္ ႓ုဂ္
ကးမု္လင္မာ.ဆု္ခႜာင္လု္ဖးစာ္႓ို၀္-
၁။ ပ၀္.သ၀့္ စင္းစားသည္၊ ဆင္ၿခင္သည္
၂။ သွ္ဖႜာ ထင္ရွားသည္၊ ေက်ာ္ေဇာ္သည္
၃။ စလင္တႜဳိင္ တုိးပြားသည္၊ ၾကီးပြားသည္၊ စီးပြားသည္
၄။ စာသုိင့္ ခံစားစံစားသည္၊ အသုံးၿပဳရသည္၊ အားကုိးရသည္
၅။ ရာဲမူ.သာ ရာဇသတ္
၆။ ဓ၀္.မူ.သာ ဓမၼသတ္
၇။ အင္းယုဂ္ ဆက္ဆံသည္၊ ခံယူသည္
၈။ ဆံင့္ယုက္ ေမွ်ာ္ကုိးသည ္၊ ေစာင့္ေမွ်ာ္သည္။
အု္ဏွ္ဆု္ခႜာင္လု္ဖးဏွ္လင္မာ.ဍာ္ေအး၊ မု္လင္မာ.လွ္။ ႓ုဂ္ကးေဆ၀္.ယုဂ္၊ ယိက္
ယိက္ခုိ၀္း မု္ဟွဴိင့္႓း မု္ခႜာင္႓းဏွ္မြာဲလုိင္ေအးလွ္။ ဆု္ခႜာင္ဖႜဳံးအု္ဟွဴ႔ဟွာသီးလင္္မာ.
လင္႓ုိင္ဟွံင္ခြိက္္မ်ာ့ ဏး႓းလုိင္ေအးလွ္။ ေ႓့ဆု္လူ.ဆု္ခႜာင္ လု္ဏီ လု္စယ္လင္မာ.
လင္အုဂ္ခါ့ ဆုိဒ္ဃွာ.ဃွံင္သယ္ခ၀့္ ဆု္လူ.ဆု္ခႜင္သယ္ လံင္ပ်ဳက္ခီမ်ာ့ ႓ုဂ္ထမာ.
လွ္။ ဆိုဒ္ဃွာ.ဃွံင္ခီဆု္ခႜာင္ ခီလိက္လာဲလု္ဏီလု္စယ္ အးထင္းမ်ားကုိ၀္ဏီေဍလွ္။
သၱာ္ေအအွ္စာ္႓ုိ၀္ မု္ဍး႓းထီ့ဆာလွ္။
ယိက္ယိက္ခုိ၀္း ပု္သယ္ဆု္ခႜာင္ယို၀္ ႓းလ၀္႓းခႜာင္သာ့ ဟွိင္းဆုဂ္၊ ဃွင့္ဆုဂ္၊
သိင္းဆုဂ္၊၀းဆုဂ္လ၀့္စာ္႓ုိ၀္ ဟု္ဆုိဒ္ဟွင္.မု္ဃွဳံ႔ပႜ၀္ယွာေအးဏွ္ ဏးေသွ္
ထ၀ယ္လာ.ဆာ္----
ပၞာ့အု္ဍံင္
(၁) မွင္ပြေဘာပင္
(၂) ပုိစတာ
(၃) ဆုိင္းဘုတ္
(၄) ဘိလပ္ေၿမ
(၅) ခုခ့ါအားက်ေရာဂါ
(၆) မူ၀ါဒ
(၇) သိပ္သည္းမွဳ --ဆု္ခႜင္သယ္လု္ဖးဏွ္ မြာဲခီသင့္ဆု္ခႜာင္၊ မု္႓းလ၀္လု္ဖႜဳံ
ယွင္ခ၀့္စာ္႓ုိိ၀္ လ၀္ယ၀့္ေအးလွ္။ ဆု္ခႜာင္ပၞာ့အု္ဍံင္ဏွ္ မြာဲဆုိဒ္ပု္ယာန္အင္းတာင္
ခႜာင္ေဏ၀္.ခီဆု္ခႜာင္ဖႜဳံးသယ္တာလွ္။ လု္ဖႜဳံယွင္ခ၀့္လု္အွ္ဍာ္႓း ခီသင့္ဆု္ခႜာင္သယ္
အွ္ေဍအု္ထံင့္အု္လာသီးကာေအး၊ အု္ဏွ္အွ္ဍာ္ ဆုိဒ္ဂ်ာပင္ ဆုိဒ္ေအန္ဂု္လာ္သယ္
ဆု္ခႜာင္သင့္အွ္မ်းဏးလုက္လုိင္ေအးဏွ္လွ္။
လု္ဏီလု္စယ္ ဍဳဂ္အးထင္းအု္သီးေ၀့ဆု္ခႜာင္မ်ား အု္သင့္ဟွံင္အု္သင့္ လု္
ဆင့္ဟွံင္ လု္ဆင့္ထုက္လုိင္ေအးလွ္။ ဆုိဒ္ဃွာ.ဃွံင္သယ္အင္းယာဟွဳက္လံင္ခီအု္
ခါ့ ဖႜဳံယွင္သယ္ခ၀့္ လ္ုဏီလု္စယ္ဆု္ခႜာင္လင္မာ.စာ္႓ုိ၀္ ယိက္ယိက္လံင္ဆုိဒ္ဃွာ.
ဃွံင္ခႜဳဂ္လု္ေအးလွ္။ ေ႓့ဆု္ခႜာင္လီလု္လင္မာ. ဆု္ခႜာင္ခီ မု္ကႜဳ္ဟွး အးထင္းသုိ၀္
မု္႓းထုဂ္ဟွာင္.႓်ာကုိ၀္ဟွာေဍေဆ၀္.လွ္။ ေအမြာဲေ႓့ဏွ္သုိ၀္ ပု္သယ္ယုိ၀္ မု္႓းေသွ္
ယာ့လင္သာ ႓းအွ္ေဍသၱာ္ ႓းအွ္ေအဃွိက္ ႓းခါခႜိက္ထင့္ဏွ္ ဆုိဒ္ေဖါဟ္အု္တာလွ္။
ထၞာ့နဳ.ဟု္ဆုိဒ္ေဖါဟ္သယ္ယုိ၀္ အွ္ပႜီပႜာ႓းယုဂ္ လင္ယွးလင္ဆင့္႓းယုဂ္ အု္
ေခါဟ္က်ံင္ ဟွာင္.႓်ာယွာလင္႓းယုဂ္သီး ႓းစာင္း႓းဟွာ ႓းမု္ဟွာဖႜဳိ၀္႓းယုဂ္သီး
ဆုိဒ္တာ္ေခါဟ္ခႜဳိ၀္ထ၀္.၀ယ္ မူ.ယံင့္ေဍအု္လ်ာ.ခုဲ.႓ံင္အု္သုင္းသာ ဆု္ပု္ေယာဟ္
ေအပႜဳဂ္ထသာ လု္ပု္သီးသုင္းသာအု္ဍြယ္ အု္ခီအု္လယ့္ဖုိင္စာ္႓ုိ၀္ မူ.လု္ဏီဆု္ပု္
ေယာဟ္ထံင္ကဲေ၀့လွ္။ မူ.ယံင့္ခုဲ.႓ံင္ သုင္းသာဆုု္ပု္ေယာဟ္ လု္ပႜဳဂ္ထသာ လု္ဖႜဳံ
ယွင္ေဖါဟ္သုင္းသာ႓းစာ္႓ုိ၀္ မူ.ယံင့္သီး မူ.ယိက္လာထ၀့္ ထင္းလု္စယ္ အု္လ်ာ.
မု္လင္ဆာ. လင္္္္္္္္္္္္္္္္္္္္္္္ဖုက္ပ်ဳက္ေ၀့လွ္ အု္ေခါဟ္က်ံင္ ဖႜဳံယွင္ေဖါဟ္ ႓းအွ္ဃွိင္ဃွိင္ေလံ
႓းပႜီပႜာအု္ခါ့ယုိ၀္ လု္ဍးမူ.ခြါ႔ ႓ုဂ္ထိင္.ဆာင့္ဆာ ဆုိဒ္ဆးဘာ.သာ့ လု္ဍးထာင္မူ.႓ံင္
သယ္ယုိ၀္ ပၞာ့ မြာဲေ႓့ ေမံ႓ႜဟ္လု္ဟွာ ယွာႏုိ၀္မိင္လးသံင္းကႜာသီး ဟု္လ၀္ေသွ္
ေဆ၀္လွ္။ အု္ဏွ္ ဖႜဳံေမံ႓ႜဟ္ ဟွာဖႜဳိ၀္အု္ေခါဟ္စံင္ ယွာ.လု္ဖႜဳံ သယ္ အင္းသံင္းထး
၀ယ္ဆု္ခႜာင္ ``ေမ့သး႓ႜဟ္ယွာႏုိ၀္ေအသ၀့္ ဆု္ဖါန္ေမံ ၀ီ့ဍဳံးဏု္လ၀့္´ ဏွ္အွ္ေဆ၀္.
လွ္။ ဏု္ဟွာဖႜဳိ၀္လာ.ဏင့္သီး ဆု္ဟွဳိင့္ဏု္လူ.စာ္႓ုိ၀္ လု္အု္ဖႜဳံေမံဖါန္လု္ဖး ဟွယ့္ပႜာ္
ဂုဏ္ဏု္အွ္ေ၀့လွ္။
အု္ယုိ၀္သီး ေ႓့ဏွ္သုိ၀္ေဆ၀္. ဖႜဳံယွင္ေဖါဟ္ ႓းအွ္ပႜီပႜာ လင္ယွးလင္ဆင့္ ႓း
စာင္း႓းဟွာ ႓းဟွာဖႜဳိ၀္အွ္လာ.ဏင့္ အု္သီးေ၀့သုင္းသာအု္ဍြယ္ဖုိင္ မူ.ယံင့္ခုဲ.႓ံင္ အု္လ်ာ.
အု္သုဲးအု္သာ ပႜဳဂ္ထသာဟွံင္ ေ႓့ဆုိဒ္ဆ မူးခြါ့ေမံဖါန္လု္ဖး မု္ဟွဳိင့္သုိ၀္
ကုိ၀္ယွာႏုိ၀္ေအးသ၀့္စာ္႓ုိ၀္ ဆု္ပႜာ္ဂုဏ္အွ္ တု္တြယ္ထာင္ေလာဟ္သာ ကဲထင္း
ဟွာင္.႓်ာယ၀့္ေဏ၀္.ေဆ၀္.လွ္။ ကုိ၀္ယွာႏုိ၀္္လု္ိသ၀့္႓းစာ္႓ုိ၀္ ဆု္ဖါန္ေမံ ၀ီ့ဍဳံးဟု္
ေသွ္ေအးဏွ္လွ္။ ခီ့အု္ခါ့ယုိ၀္ ဖႜဳံသိင္းဆုဂ္၀းဆုဂ္ ကုိ၀္ယွာႏုိ၀္သီး ဖႜဳံဂ်ာပင့္ခါန္.
ဟွဳိင့္ကဲယုဂ္ေဆ၀္.လွ္။

တု္ပုဲိေဖါဟ္